Fundurinn haldinn símleiðis kl.17:30, þann 1. apríl 2004
Mætt:
Nefndarmenn: Ólafur Sigurðsson, Egill Jónasson, Sigurður Ragnarsson,
Björn Hafþór Guðmundsson, Þorsteinn Steinsson, Benedikt Jóhannsson og
Árni Ragnarsson
Starfsmenn: Helga Hreinsdóttir
1. Málefni Impregilo, ástandið í mötuneyti á Main Camp
Helga gerir grein fyrir vinnu frá síðasta fundi og samskiptum við lögfræðing Umhverfisstofnunar.
Heilbrigðisnefnd Austurlands ákveður eftirfarandi:
Í
ljósi þess að ástandið í mötuneyti Impregilo á Main Camp er talið
ótryggt hvað varðar öryggi neytenda og þar sem ekki hefur verið unnið
að úrbótum skv. kröfum nefndarinnar og á grundvelli 1. mgr. 27. gr.
laga nr. 7/1998 um hollustuhætti og mengunarvarnir, sbr. 30. gr. laga
nr. 93/1995 um matvæli er Impregilo beitt dagsektum að fjárhæð kr.
70.000,- á dag frá 5.4.2004 og þar til uppfyllt eru skilyrði
matvælareglugerðar nr. 522/1994 um að í matvælafyrirtækjum séu gólf “lögð
vatnsheldu, haldgóðu og varanlegu efni sem er án eiturefna og skal
þannig frá þeim gengið að auðvelt sé að þrífa þau og gerileyða ef þörf
krefur. Gólf skulu þrifin daglega og oftar ef þurfa þykir”, sem og að
“loft og loftfastir hlutir skulu hannaðir og þannig frá þeim gengið að
óhreinindi, raki og mygla safnist ekki fyrir eða falli niður úr þeim”.
Varðandi fjárhæðar dagsektanna vísast til 1. mgr. 29. gr. reglugerðar nr. 786/1999.
Heilbrigðisnefnd felur starfsmönnum ennfremur að fylgjast vel með
framvindu mála. Í seinasta lagi þann 15.4. nk. skulu starfsmenn skila
nefndarmönnum greinargerð þar um. Verði ástandið enn ekki metið
viðunnandi mun nefndin íhuga að grípa til frekari þvingunarúrræða í
samræmi við ákvæði hollustuháttalaga nr. 7/1998.
Fundi slitið kl. 17:45
Fundargerðin færð í tölvu af Helgu Hreinsdóttur og send fundarmönnum í tölvupósti til staðfestingar. Gerðin verður undirrituð á næsta snertifundi.
Ólafur H. SigurðssonEgill Jónasson
Björn Hafþór Guðmundsson
Benedikt Jóhannsson
Sigurður Ragnarsson
Þorsteinn Steinsson
Árni Ragnarsson
Helga Hreinsdóttir