Fundargerð aðalfundar 2010

 haldinn á Djúpavogi miðvikudaginn 6. október 2010 kl. 14:00.

Dagskrá:

  1. Skýrsla stjórnar
  2. Ársreikningar 2009 lagðir fram
  3. Umræða um liði 1 og 2
  4. Fjárhagsáætlun fyrir komandi starfsár 2011
  5. Umræður um lið 4
  6. Kjörinn löggiltur endurskoðandi
  7. Kjörnir tveir skoðunarmenn ársreikninga og jafnmargir til vara
  8. Gauti Jóhannesson sveitarstjóri Djúpavogs segir frá reynslu sinni af matvælavinnslum í Austurlöndum fjær
  9. Önnur mál

    Mætt:

    Úr Heilbrigðisnefnd: Valdimar O. Hermannsson, Árni Kristinsson, Andrés Skúlason, Benedikt Jóhannsson, Kristín Ágústsdóttir

    Aðrir:  Gauti Jóhannesson, Bjarni Sveinsson, Haukur Ingi Einarsson, Jóhann Eðvald Benediktsson, Ólafur Hr. Sigurðsson

    Starfsmenn: Helga Hreinsdóttir, Leifur Þorkelsson, Hákon Hansson, Borgþór Freysteinsson

    Farið var yfir hverjir færu með umboð sveitarfélaganna skv. tilnefningum til HAUST ýmist með kjörbréfum eða tölvupósti.

     

    Fulltrúar eftirfarandi sveitarfélaga fóru með atkvæði sem hér segir:

    Sveitarfélag

    íbúafjöldi 2010 (skv. Hagstofu uppfært síðast 16.3.2010)

    Fjöldi atkvæða á aðalfundi 2010

    Nafn fulltrúa sem fer með atkvæði sveitarfélags:

    Vopnafjarðarhreppur

    683

    3

    Engin fulltrúi mættur, engin með umboð

    Fljótsdalshreppur

    89

    1

    Umboð: Árni Kristinsson

    Fljótsdalshérað

    3.468

    11

    Árni Kristinsson

    Seyðisfjarðarkaupstaður

    706

    3

    Ólafur Hr. Sigurðsson

    Borgarfjarðarhreppur

    134

    1

    Bjarni Sveinsson

    Fjarðabyggð

    4.641

    14

    Jóhann Eðvald Benediktsson

    Breiðdalshreppur

    210

    2

    Engin fulltrúi mættur, engin með umboð

    Djúpavogshreppur

    443

    3

    Andrés Skúlason

    Hornafjörður

    2086

    7

    Haukur Ingi Einarsson

    Samtals:

    12460

    44

     


    Valdimar O. Hermannsson, formaður heilbrigðisnefndar, setti fund og bauð fundarmenn velkomna.

    Fundarstjóri var kosinn Gauti Jóhannesson og ritari Leifur Þorkelsson

     Fundarstjórinn kynnti dagskrá og síðan var gengið til fundarstarfa

    1. Skýrsla stjórnar
    Valdimar O. Hermannsson, formaður heilbrigðisnefndar, flutti skýrslu stjórnar.  Skýrslan fylgir fundargerðinni.

    2.
    Ársreikningar 2008 lagðir fram
    Helga Hr., framkvæmdastjóri, kynnti ársreikningana sem höfðu verið yfirfarnir og áritaðir af skoðunarmönnum, endurskoðaðir af KPMG og afgreiddir til aðalfundar á 93. fundi Heilbrigðisnefndar þann 17.9.2010.

    Helstu niðurstöðutölur ársreiknings 2009 eru sem hér segir: :

    Rekstartekjur:

    42.636 þús. kr

    Rekstargjöld:

    39.956 þús. kr.

    Rekstarniðurstaða án fjármunatekna og gjalda

    2.539 þús. kr.

    Fjármunatekjur

    275 þús. kr.

    Niðurstaða ársins

    2.814 þús. kr.

    3. 3. Umræða um liði 1 og 2 skýrslu stjórnar og ársreikninga 2009
    Fundarmenn lýstu yfir ánægju sinni með jákvæða niðurstöðu ársreikninga, ekki síst í ljósi ótryggs efnahagsástands. Í máli framkvæmdastjóra kom fram að markvisst hefði verið unnið að lækkun útgjalda og að náðst hefði hagræðing í flutnings- og tölvukostnaði og að veruleg hagræðing hefði náðst í húsnæðiskostnaði.

    Rætt var um eftirlitsverkefni frá Umhverfisstofnun og Matvælastofnun.

    Því næst voru ársreikningar fyrir árið 2009 bornir undir atkvæði og samþykktir samhljóða

    4. 4. Fjárhagsáætlun fyrir komandi starfsár 2011

    Helga Hr. fylgdi fjárhagsáætluninni úr hlaði.

    Drög að fjárhagsáætlun 2011 voru til umfjöllunar á 93. fundi heilbrigðisnefndar þann 17.9.2010. Á þeim fundir voru drögin samþykkt og afgreidd til aðalfundar:

    Helstu niðurstöðutölur eru:


     

    Rekstartekjur alls

    41.044 þús

    Þar af íbúaframlag

    10.778 þús

    Rekstrargjöld

    41.013 þús

    Mismunur

    31 þús

     

    5. Umræður um lið 4 fjárhagsáætlun 2011
    Í fjárhagsætlun fyrir árið 2011er gert ráð fyrir lægri tekjum en gert var ráð fyrir í áætlun fyrir árið 2010. Skýrist þetta einkum af því að ekki er gert ráð fyrir neinum tekjum af tímabundinni starfsemi vegna virkjana og stóriðjuframkvæmda. Þá var tekin sú ákvörðun að gera hvorki ráð fyrir tekjum, né kostnaði af sýnatökum í tengslum við heildarúttektir vatnsveitna í fjárhagsáætlun. Hluti slíkra rannsókna fer fram erlendis og er rannsóknarkostnaður því háður gengi krónunnar. Raunkostnaður vegna sýnatökunnar mun hinsvegar verða innheimtur í kjölfar sýnatöku

    Ný heilbrigðisnefnd
    Í Stofnsamningi um Byggðasamlag HAUST bs. segir: Ný heilbrigðisnefnd taki til starfa á aðalfundi HAUST, eftir að fyrri nefnd hefur skilað skýrslu, ársreikningum og fjárhagsáætlun.

    Í samræmi við það kvaddi „gamla“ Heilbrigðisnefndin og ný heilbrigðisnefnd tók við.

    Nefndin til næstu fjögurra ára er óbreytt frá fyrra tímabili að öðru leyti en því að Ólafur Hr. Sigurðsson frá Seyðisfirði er nú annar aðalmanna á norðursvæði í stað Borghildar Sverrisdóttur frá Vopnafirði, en Seyðisfjörður og Vopnafjörður hafa skipst á um að eiga aðalmann í nefndinni. Nokkur breyting er á skipan varamanna.

    6. Kjörinn löggiltur endurskoðandi
    Borin var upp tillaga um að endurskoðunarfyrirtækið KPMG verði aftur kjörið endurskoðandi. Tillagan var samþykkt samhljóða.  

    7. Kjörnir tveir skoðunarmenn ársreikninga og jafnmargir til vara
    Samþykkt var tillaga um sömu skoðunarmenn reikninga og verið hafa, þ.e. Ásta Halldóra Guðmundsdóttir, fjármálastjóri Sveitarfélagsins Hornafjarðar og Stefán Bragason, bæjarritari Fljótsdalshéraðs.

    Einnig var samþykkt samhljóða tillaga um sömu varamenn og sl. ár, þ.e. Gunnþórunn Ingólfsdóttir, oddviti í Fljótsdalshreppi og Páll Baldursson sveitarstjóri Breiðdalshrepps.

    8. Erindi Gauti Jóhannesson
    Gauti Jóhannesson sveitarstjóri Djúpavogshrepps flutti áhugavert og skemmtilegt erindi um reynslu sína af matvælaframleiðslu og matvælaeftirliti í Kína

    9.Önnur mál
    Engin önnur mál voru rædd.

    Fundi slitið kl. 15.30

    Fundargerðina staðfesta:

    Gauti Jóhannesson, fundarstjóri
    Leifur Þorkelsson, fundarritari

    pdf Fundargerð aðalfundar - pdf

    Heilbrigðiseftirlit Austurlands – haust@haust.is – s. 474 1235

    Austurveg 20, 730 Reyðarfjörður - Tjarnarbraut 39b, 700 Egilsstaðir - Ásvegur 31, 760 Breiðdalsvík – Hafnarbraut 27, 780 Höfn

    Search